ماشاء الله ع هاليابانيين ..
ليتنا نفكر بشيء مفيد مثلهم ..
مالت ع تفكيرنا والله .. بعضنا يحش
ومدري ايش .. خليني ساكت بس..
واخليكم مع اختراعاتهم ..
الجهاز الأول
هو عبارة عن طابعة بس مو أي طابعة ..!!!
الطابعة ذي الله يسلمكم تطبع على الورود .. شي على كيفكم
ما على الواحد فيكم إلا يدور محل ورود مشهور ويأخذله متر في متر جنبه ويحط الطابعة مع كمبيوتر ولوحة إعلانية
الناس بتشتري من محل الورود وبيجونك إن شاء الله ... وش رايكم .. هذا إذا ما صار راعي محل الورود متعاقد معك
وقيمتها حوالي 1250 دولار والحبر 65 دولار
والجهاز الثاني
هو عبارة عن كاميرا ديجيتال لكن اللي عجبني فيها أنها مقاومة للماء وتقدر تصور فيها لحد 3 أقدام تحت الماء بدون أدوات إضافية
مواصفاتها
جسم مقاوم للماء
تشغيل سريع
6 ميجابكسل
2 إنش شاشة كريستال
التصوير بـ 20 وضعية
وظائف صوتية و مسجل صوتي
وحدة تخزين SD وداخلية 10.5 ميجا
توصيل للتلفزيون
الجهاز الثالث
هذا الجهاز مهم للي بزارينهم يضيعون الريموت الكونترول حق التلفزيون أو الرسيفر وكل يوم يدورون عليه ساعتين أو يمكن ما يحصلونه طول اليوم ..
الجهاز عبارة عن قطعتين .. الاولى تلزق على الريموت أما الثانية فهي عبارة عن صفيرة صغيرة ويمكنك الاستغناء عنها والتصفير بفمك بدونها
كل ما ضاع عليك الريموت ما عليك إلا أنك تصفر (صوت صفير) وبتسمع الرد من الجهاز الملزوق على الريموت يقولك إنا هنا يامعلم .. خخخخخخ لا تصدقون عاد لكن بتسمع صوت رنين من الجهاز مثل البيجر وبتعرف وين الريموت ..
الجهاز الرابع
للمبتلشين بالمدخنين سواء في البيت أو في العمل .. والجهاز ذا يقوم بتنقية الجو بس ميزته أنه يشتغل على منفذ USB يو إس بي
الجهاز الخامس
أسهل طريقة لنقل الملفات بين جهازين .. تشبك في الجهاز الاول على USB وفي الجهاز الثاني على USB وبعدها تنقل الملفات بين الجهازين بطريقة السحب والإفلات Drag & Drop أو النسخ واللصق .. سرعة النقل 25 ميجا/ثانية وطول سلكه 4 أقدام يمكن لفه داخل الجهاز نفسه
الجهاز السادس
هذا الجهاز للطوارئ وللضعوف اللي ما عندهم بطارية احتياطية للجوال ... الجهاز عبارة عن شاحن يدوي (هندل) تمسك الهندل بيدك وتقعد تفر فيه وهو يشحن
يعني جوالك بينشحن على قد شغلك ..
الحين خلونا من الاجهزة ونبي نشوف حركات تنفع
مثل ذا الكاس .. كلنا نعرف كورة البلازما اللي تسوي خطوط كهربائية مثل البرق داخلها اذا لمستها بدون ما تضرك طبعا..
هذا الكاس بنفس الفكرة يجي بقاعدة .. إذا شلته من فوق القاعدة يصير كاس عادي
والحين.. خل نشوف هدية من الهدايا اليابانية
العادة أن الواحد يشتري خضروات أو فواكه معلبة أما انه يشتري زهور أو ورود معلبة .. شي غريب ..صح!
اختر النوع اللي يناسبك من النباتات ..
وبعدها افتح العلبة واسقيها موية 3 أيام مع توفير ضوء الشمس وبعدها لاحظ التغير
بس لحد الان ومافي مشكله ..
ذي علبة فيها بذرة سحرية بعد ما تسقيها 3 ايام تطلع لك ومكتوب عليها (I Love You) بشكل واضح
الأربعاء أبريل 21, 2010 2:49 pm
